مقالات موقع Yaoota

مراجعة LDNIO Plug Power

قراءة سهلة

كام مرة حسيت بالضيق علشان مش عارف توصل أكتر من جهاز مع بعض في نفس الوقت؟ كام مرة عملت (بهلوان) انت وأصحابك علشان تشحنوا موبايلاتكم في نفس الوقت واتخانقتوا على الشاحن علشان مافيش (فيشه) تكفي الكل؟ طيب كام مره خفت توصل أكتر من جهاز كهربائي في نفس الوقت على مشترك واحد علشان ضغط الكهرباء لا يتسبب في خسارتك أجهزتك؟

أما أصحاب الكافيهات والمطاعم واللي يوم بعد يوم بيطلب منهم الناس يوفروا لهم Plug In علشان يشحنوا الهواتف المحمولة الخاصة بيهم في نفس وقت استخدامهم الاب توب، كل الأمور دي أصبح ممكن يكون لها حل عملي وسريع وسهل الاستخدام.

لو كنت واحد من الناس اللي بتعاني من المشاكل دي، دلوقت أصبح هناك مشترك LDNIO اللي بيدعي أنه بيعالج كل المشاكل دي من خلال مشترك بيقدر يشحن أكتر من هاتف محمول ويوصل أكتر من جهاز كهربائي في نفس الوقت، مع سلسلة من المميزات التانيه. لكن هل الكلام ده حقيقي وهل المشترك ده يستحق الشراء؟ ده اللي هانحاول نعرفه مع بعض من خلال استعراضنا لمشترك LDNIO

https://yaoota.com/en-eg/product/ldnio-sc3301-eu-plug-power-strip-usb-charger-outlet-socket-3-price-from-jumia-egypt

مواصفات LDNIO Plug Power

  • أبعاد المشترك: 3.9 ×0.6×1 أنش
  • وزن المشترك: حوالي 155 جرام.
  • تاريخ اتاحة المنتج: أكتوبر 2016.
  • الكهرباء الداخلة للمشترك Input: من 100 الى 240 فولت
  • الفولتية الخاصة بالأجزة الذكية المشحونة من المشترك: 3100 ملي أمبير لكل فتحة شحن
  • الفولت الخارج من فتحات USB : 5 فولت
  • المشترك بيقدر يشحن 3 أجهزة لها مقبس كهربائي ثلاثي، وثلاث أجهزة بتستعمل شواحن USB في نفس الوقت، مع زر طاقة واحد بيفصل الكهرباء عن المشترك بالكامل مزود بإضاءة علشان المستخدم يعرف إذا كان المشترك متوصل له كهرباء أم لا.
  • اختبارات التشغيل الخاصة بالمشترك بتقول أن الزر الرئيسي له بيحتمل حتى 5000 مرة استخدام
  • طول السلك الخاص بالمشترك حوالي 1.6 متر.

مميزات LDNIO Plug Power

  • زر الطاقة الرئيسية للمشترك بيحتمل الضغط عليه لأكتر من 5000 مرة يعني المشترك هايعيش لفترة طويلة.
  • طول سلك المشترك لأكثر من متر ونصف بيخليه مثالي للمكاتب والكافيهات والأماكن اللي مصدر الكهرباء بيكون بعيد عن مصدر استهلاكها.
  • المشترك يعتبر خفيف الوزن وسهل التشغيل ومش محتاج تعليمات معقدة.
  • المساحة بين كل فيشه والتانيه ممتازة وكافية لتشغيل كافة الفتحات في نفس الوقت بدون تعارض او تداخل
  • المشترك فيه دائرة حماية من التحميل الزائد على التيار يعني لو الكهرباء ارتفعت المشترك هايتوقف عن العمل اتوماتيكي علشان يحمي الأجهزة المتوصله به.

عيوب LDNIO Plug Power

  • كنا نتمنى المشترك يشغل عدد أكبر من فتحات الـ USB والفتحات العادية للفيش الكهربائية.
  • المشترك مش بيقدم اختيارات متعددة لأنواع الفيشات اللي ممكن يتم تشغيلها عليه.
  • المشترك مش متوفر بالوان مختلفة علشان يتناسب مع لون الأثاث أو الدهان في الأماكن اللي هايتم استعماله فيها
  • المشترك مش سهل السحب أو التنقل به من مكان للتاني

تجربة استخدام LDNIO Plug Power

المميز في المشترك أنه يمكن استخدامه في الكافيهات والمطاعم والأماكن اللي بتحتاج توفر مخارج طاقة كتير بشكل جيد متناسق مع الديكور، كمان ممكن يتم استخدامه في البيت لكن بدون تحريكه في أماكن كتير، يعني ممكن يتم تثبيته في أحد أركان البيت وتوصيل أكتر من جهاز (تليفزيون – ساوند سيستم..الخ) مع شحن التليفونات المحمولة في نفس الوقت، وفي الحالة دي المشترك هايكون مناسب وجيد في الاستخدام.

أما الناس اللي عاوزه توصل أكتر من فيشه بأشكال واستخدامات مختلفة، أو اللي متوقعين أن المشترك هايكون سهل السحب والتشغيل والتركيب من مكان للتاني، أو الناس اللي متوقعه من المشترك أنه يلائم أي نمط للديكور أو الدهانات في المنزل، في الحالة دي المشترك مش هايكون جيد بالنسبة لهم وهايمثل تجربة استخدام غير جيدة على الإطلاق.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

زر الذهاب إلى الأعلى