مقالات موقع Yaoota

call of duty أم battlefield

قراءة سهلة

بعض المقارنات في حياتنا لما بنطرحها للمناقشة، بيكون من المستحيل أننا نوصل فيها لعقاد نافع زي ما بيقولوا، نتيجة تحيز كل شخص لوجهة نظرة أو للفريق اللي بيشجعه ويميل اليه. يعني مثلا على سبيل المثال في الرياضة صعب نحكم هل الزمالك أفضل أم الأهلي لأن كل مشجع بيدافع عن فريقه بكل قوة. ونفس الأمثلة ها نلاقيها في الفن والسياسة وغيرها من مجالات الحياة.

ومن أشهر الأمثلة اللي بنشوفها في عالم التكنولوجيا، وخاصة بين محبي الألعاب الالكترونية، هي الخناقة الشهيرة بين محبي لعبة فيفا ولعبة PES علي سبيل المثال، أو محبي جهاز Xbox ومريدي جهاز بلاي ستيشن. وغيرها.

والنهردة هانقارن بين لعبتين قدرت كل لعبة فيهم تجمع مجموعة كبيرة من المؤيدين حوالين العالم، وهي لعبة Call Of Duty و لعبة Battlefield… ياترى مين أفضل؟!

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

https://yaoota.com/ar-eg/product/battlefield-1-by-electronic-arts-2016-playstation-4-pal-3-price-from-souq-egypt

تاريخ لعبة Battlefield

طرحت شركة EA Digital Illusions CE الجزء الأول من لعبة Battlefield سنة 2002 وحملت أسم Battlefield 1942 ومع نجاح اللعبة تم اصدار جزء يعتبر امتداد لها سنة 2003 ، ومع اقبال الاعبين على اللعبة بشكل كبير قدمت الشركة المنتجة سنة 2004 جزء جديد بعنوان Battlefield vitnam

الألعاب دي كانت متاحة على منصات ويندوز وماك، لكن أول نسخة تم إصدارها لأجهزة بلاي ستيشن كانت سنة 2005 بعنوان Battlefield2 : modern combat وتميزت بتفوقها على مستوى الرسومات وفقا لمستوى الجرافيك في الفترة دي. وتم طرح اللعبة على Xbox كمان.

وفي 2008 تم تقديم جزء جديد بعنوان Battlefield bad company على منصات اكس بوكس وبلاي ستيشن برضو.

ومع النجاحات الكبيرة للعبة توالى تقديم النسخ منها واحدة بعد التانية، لكن أشهر النسخ اللي تم إصدارها هي نسخة سنة 2013 بعنوان battlefield4 وأحدث نسخة Battlefield1 واللي تم إصدارها في 2016. واللي حازت شهرة كبيرة خاصة في المنطقة العربية نتيجة أحداث اللعبة اللي بتناقش فترة الثورات العربية القديمة وظهور شخصية لورانس العرب.

https://yaoota.com/ar-eg/product/call-of-duty-infinite-warfare-playstation-4-price-from-souq-egypt

تاريخ لعبة Call Of Duty

في نفس أجواء الحرب القديمة نسبيا بتدور أحداث سلسلة ألعاب call of duty واللي أخدت من الحرب العالمية الثانية مسرحا لأحداث أجزائها المختلفة ماعدا الجزء الرابع اللي كانت بتدور أحداثه في أوقات مستقبلية.

في الفترة من 2003 وحتى 2016 تم اصدار جزء كامل تقريبا من كل اللعبة بشكل سنوي، وتحديدا في شهور أكتوبر أو نوفمبر من كل سنة. وكل جزء كان أقوى من اللي قبله من ناحية الرسوميات وطريقة التحريك، كمان يرجع لمطوري اللعبة قدرتهم على خلق أساليب جديدة في المعارك وتصويرها زي اهتزاز الكاميرا عند انفجار قنبلة بجوار اللاعب وغيرها من التحديثات اللي أدخلها فريق Call of duty على طريقة اللعب.

نختار أي لعبة؟

لو استطلعنا أراء محبي كل لعبة من الألعاب دي هانحتار لأن كل واحد بيفضل ويرشح اللعبة اللي بيلعبها ومتحيز لها. لكن بما أننا جربنا اللعبتين وقدرنا نكون وجهة نظر عنهم بشكل حيادي، نقدر نقول أن لعبة Battlefield أفضل على مستوى القصة Story mode بينما Call of duty أفضل على مستوى الـ Multiplayer mode واللعب أونلاين مع لاعبين من كل مكان في العالم.

وعلى الرغم من أن Call of duty وصناعها أدخلوا تحديثات كبيرة على طريقة اللعب في بداية طرح النسخ الحديثة من ألعابهم، لكن محبي Battlefield بيشوفوا أن صناع لعبتهم طوروا نمط اللعب الجماعي بشكل أفضل من أي لعبة تانية.

نصيحتنا الأخيرة أن كل لاعب وذوقة، ولازم تجربوا الـ Demo الخاصة بكل لعبة قبل شراءها علشان تقدروا تاخدوا قرار صحيح ومناسب.

مستقبل اللعبتين

لكن محبي Call of duty بانتظار حدث سعيد في نوفمبر القادم وتحديدا يوم 3 مع اصدار الجزء الجديد من اللعبة بعنوان Call of duty WWII وهو الجزء اللي بتعود فيه اللعبة لفترة الحرب العالمية الثانية بعد ما قدمت جزء بتدور أحداثه عن رجال ألية وكائنات فضائية ولم ينل اعجاب محبي اللعبة.

أما محبي Battlefield فا هايضطروا للانتظار حتى 2018 علشان يشوفوا الجزء الجديد من لعبتهم واللي لسه ماعندناش معلومات كافية عنها حتى الأن.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.

زر الذهاب إلى الأعلى