قبل الشراء.. اعرفوا أهم مواصفات ومميزات وعيوب سماعة Realme Buds T100 اللاسلكية
كتب: فريق الموقع
لما نتكلم عن سماعة Realme Buds T100 بنبقى عارفين اننا مش بنتكلم عن أحسن وأقوى وأفضل سماعة وايرلس في السوق. بس برضو لازم نبقى فاهمين اننا مش بنتكلم عن أغلى سماعة في السوق. بالتالي هاتفضل طول الوقت فيه معادلة بين السعر وبين المواصفات الفنية. سعر قليل مقابل مواصفات قليلة أو سعر عالي مقابل مواصفات عالية. او المعادلة اللي بتقدمها ريل مي: سعر متوسط مقابل مواصفات فنية متوسطة
لكن ولأن الحلو مابيكملش، ومش كل تجربة هاينفع تكون مثالية بنسبة ١٠٠٪ بتيجي السماعة ببعض العيوب اللي لازم نستحملها. وهو ده اللي هانتناقش معاكم فيه من خلال موضوعنا. عن واحدة من السماعات اللي عامله (قلق) كبير في سوق السماعات.
هنتعرف مع ياقوطة على أهم المواصفات الفنية للسماعة وأهم مميزاتها وعيوبها ولو السماعة عجبتك هتقدر تطلبها من خلالنا في ياقوطة ودلوقتي مع شهري، تقدر تشتري أي سماعة أو مستلزماتها بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مواصفات سماعة Realme Buds T100
- الماركة: ريل مي
- اللون: أبيض
- التوافق: متوافق مع اجهزة اندرويد و iOS
- الموديل Realme Buds T100
- خاصية خاصية الغاء الضوضاء : يوجد
- خصائص التوصيل: بلوتوث 5.3
- نطاق التوصيل: نطاق لاسلكي 10 متر
- مدة البطارية: ٢٨ ساعة
- مدة الوصول للشحن الكامل: ساعة ونصف
- ميزة الشحن السريع: ١٠ دقائق من الشحن للوصول الى ١٢٠ دقيقة من التشغيل
- جودة الصوت: صوت حقيقي HD
- القدرة على مقاومة الماء: مقاومة الماء حسب تصنيف PX5
- وضع اللألعاب: يوجد وضع لعب
- التحكم باللمس: يوجد
- ميكروفون اجراء المكالمات: يوجد
مميزات سماعة Realme Buds T100
- تصميم السماعة شيك وعملي، والعلبة الخاصة بها حجمها صغير نسبيا وممكن توضع في الجيب بسهولة
- ثبات السماعة في الاذن ممتاز حتى مع ممارسة التمارين الرياضية
- توافق السماعة مع اجهزة اندرويد او iOS ممتازة
- كقيمة مقابل سعر تعتبر السماعة قيمة ممتازة مقابل السعر
- السماعة بتيجي بميزة تمييز عزل الضوضاء بجودة ممتازة
- مميزات الشحن في السماعة ممتازة. خاصة لو كنت مستعجل وشحنتها ١٠ دقائق فقط تحصل مقابلها على حوالي ٣ ساعات من التشغيل
- زمن انتقال الصوت في السماعة منخفض ودي ميزة هاتعجب محبي الالعاب اللي عاوزين الصوت يوصلهم بالتزامن مع اللعبة
- وضع الالعاب في السماعة ممتاز لتقليل الفارق الزمني اثناء ممارسة الالعاب
- السماعة بتيجي بكافة مشتملاتها مش هاتحتاج تشتري لها حاجة من بره
- معروف عن ريل مي قوتها في توفير خدمات الضمان وخدمة ما بعد البيع بسهولة وسرعة
عيوب سماعة Realme Buds T100
- مع بعض الحركات زي مضغ الطعام أو التثاؤب السماعة ممكن تقع من الأذن
- ممكن تشعر ببعض التأخر في توصيل الصوت عن خط سير الفيديو على الشاشة
- مع الاستخدام المستمر علبة الشحن ممكن يتم تقشير طلائها. علشان كده ننصح المستخدمين باستعمال جراب مخصص لحماية علبة الشحن
- السماعة مش بتيجي مع اختيارات كتير في الالوان وده بيخلي المستخدم مجبر على لون واحد تقريبا
- ميزة الغاء الضجيج مش أحسن حاجة مقارنة بسماعات تانيه
- جودة السماعة في اجراء المكالمات من الميكروفون المدمج فيها مش احسن حاجه
- على الرغم من أن السماعة بالفعل لها تصنيف مقاومة ماء. بس ماتجربش تنزل المية بيها. هي مقاومة لرذاذ الماء فقط
تجربة المستخدم مع Realme Buds T100
- مع طول فترة الاستخدام بعض المستخدمين اشتكوا من تقشير في علبة السماعة
- من وقت للتاني بتحتاج تعمل ظبط مصنع للسماعة وتعيد توصيلها تاني بالتليفون
- ميزة عزل الضوضاء مش دايما شغاله كويس
- سعر السماعة ممتاز مقارنة بالمواصفات
- المستخدمين مبسوطين من حجم السماعة ومناسبتها للجيب والقدرة على استخدامها في الانشطة الرباضية زي الجيم
اتعرف على عروض أسعار سماعة وايلرلس Realme Buds T100 من هنا.
اتعرف على عروض أسعار مختلف سماعات ريل مي المتوفرة على ياقوطة من هنا.
اتعرف على عروض أسعار مختلف أسعار السماعات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

