تشتربها ولا تستنى؟ اعرف معانا مواصفات ومميزات وعيوب سماعة Apple AirPods 3 الجديدة من أبل
كتب: فريق الموقع
سهل قوي انك تبهر المستخدمين بالجيل الأول من أي حاجه تقدمها. وده بالفعل اللي حصل مع الجيل الأول من السماعات اللاسلكية من أبل. لكن النهرده مع Apple AirPods 3 وهي الجيل الثالث من نفس السماعات. أصبحت ابل مطالبة بأكتر من مجرد ازالة السلك علشان تبهر المستخدمين. خاصة واحنا عندنا Apple AirPods pro اللي تعتبر السماعات صاحبة المميزات الأفضل بما يتناسب مع اسم pro في اسمها.
لكن ولأن الحلو مابيكملش، ومش كل تجربة هاينفع تكون مثالية بنسبة ١٠٠٪ بتيجي السماعة ببعض العيوب اللي لازم نستحملها. وهو ده اللي هانتناقش معاكم فيه من خلال موضوعنا. عن واحدة من السماعات اللي عامله (قلق) كبير في سوق السماعات.
هنتعرف مع ياقوطة على أهم المواصفات الفنية للسماعة وأهم مميزاتها وعيوبها ولو السماعة عجبتك هتقدر تطلبها من خلالنا في ياقوطة ودلوقتي مع شهري، تقدر تشتري أي سماعة أو مستلزماتها بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مواصفات سماعة Apple AirPods 3
- محرك الصوتيات: محرك مخصص بتمدد عالٍ من تصميم Apple
- مضخم صوت: مخصص ذو نطاق ديناميكي عالٍ
- ميزة الصوت المكاني المخصص مع خاصية التتبع الديناميكي للرأس: يوجد
- موازنة الصوت المتكيفة: يوجد
- ميكروفون مزدوج بتكنولوجيا التكوين الشعاعي: يوجد
- مكيروفون موجه نحو الأذن: يوجد ١ لكل سماعة
- مستشعر يتعرف على البشرة: يوجد
- مقياس تسارع يتعرف على الحركة: يوجد
- مقياس تسارع يتعرف على الكلام: يوجد
- مستشعر ضغط: يوجد
- مدة الاستماع: مدة استماع لغاية 6 ساعات بشحنة واحدة (لغاية 5 ساعات مع تفعيل ميزة الصوت المكاني)
- مدة التحدث: مدة تحدث لغاية 4 ساعات بشحنة واحدة
- شحن الطوارىء: 5 دقائق في العلبة تمنحك ساعة من الاستماع تقريباً أو ساعة من التحدث تقريباً
- محتويات العلبة: سماعات AirPods مع علبة شحن لايتننج أو علبة شحن MagSafe مع كابل لايتننج إلى USB-C مع وثائق ومستندات
مميزات سماعة Apple AirPods 3
- تصميم السماعة شيك وعملي، والعلبة الخاصة بها حجمها صغير نسبيا وممكن توضع في الجيب بسهولة
- ثبات السماعة في الاذن ممتاز حتى مع ممارسة التمارين الرياضية
- توافق السماعة مع باقي اجهزة ابل يعتبر شىء ممتاز ولو كان عندك ماك بوك او تليفون ايفون. السماعة هاتكون ممتازة
- السماعة بتيجي بميزة تمييز الاصوات المحيطة وتقديمها للمستخدم علشان لو حد اتكلم معاه مايكونش محتاج يخلع السماعة
- مميزات الشحن في السماعة ممتازة. خاصة لو كنت مستعجل وشحنتها ١٠ دقائق فقط تحصل مقابلها على اربع ساعات تشغيل تقريبا
- زمن انتقال الصوت في السماعة منخفض ودي ميزة هاتعجب محبي الالعاب اللي عاوزين الصوت يوصلهم بالتزامن مع اللعبة
- توصيل السماعة بتليفونات ابل سهل وسريع
- السماعة بتيجي بكافة مشتملاتها (بما فيها سلك الشحن ومقاسات مختلفة للأذن وكتيب استخدام)
- معروف عن ابل قوتها في توفير خدمات الضمان وخدمة ما بعد البيع بسهولة وسرعة
عيوب سماعة Apple AirPods 3
- مع بعض الحركات زي مضغ الطعام أو التثاؤب السماعة ممكن تقع من الأذن
- مش قادرين نقول ان السماعة قيمة جيدة مقابل السعر. لان سعرها مش متناسب مع القيمة اللي بتقدمها. بس ده اللي متوقعينه من شركة ابل في الغالب
- مع الاستخدام المستمر علبة الشحن ممكن يتم تقشير طلائها. علشان كده ننصح المستخدمين باستعمال جراب مخصص لحماية علبة الشحن
- السماعة مش بتيجي مع اختيارات كتير في الالوان وده بيخلي المستخدم مجبر على لون واحد تقريبا
- ميزة الغاء الضجيج مش بتشتغل مع تليفونات اندرويد
- جودة السماعة في اجراء المكالمات من الميكروفون المدمج فيها مش احسن حاجه
- السماعة غير مقاومة للماء وده هايخليها مش مناسبة للانشطة اللي فيها تعرض للماء زي الرياضات المائية مثلا على الرغم من أنها مقاومة لرذاذ الماء البسيط أو العرق
تجربة المستخدم مع Apple AirPods 3
- مع طول فترة الاستخدام بعض المستخدمين اشتكوا من تقشير في علبة السماعة
- من وقت للتاني بتحتاج تعمل ظبط مصنع للسماعة وتعيد توصيلها تاني بالتليفون
- المستخدمين مبسوطين من حجم السماعة ومناسبتها للجيب والقدرة على استخدامها في الانشطة الرباضية زي الجيم
اتعرف على عروض أسعار سماعة وايلرلس Apple AirPods 3 من هنا.
اتعرف على عروض أسعار مختلف سماعات ابل المتوفرة على ياقوطة من هنا.
اتعرف على عروض أسعار مختلف أسعار السماعات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

