مقالات موقع Yaoota

مزايا وعيوب لابتوب ASUS TUF Gaming laptop المخصص للألعاب

قراءة سهلة

كتب: فريق الموقع

في واقع الأمر، لما بنقول على لاب توب أنه لابتوب العاب بس. يبقى احنا بنظلمة. وخصوصا لما ييجي الكلام عن لاب توب   ASUS TUF Gaming laptop هانكون بنظلم الجهاز لما نتكلم عنه كجهاز ألعاب فقط. لأنه في الواقع ينفع كمان كجهاز مونتاج فيديو أو لتشغيل برامج البرمجة والرسومات الهندسية والتطبيقات المتخصصة بشكل عام.

لو قولنا أن اللاب توب ده بيعمل كل الحاجات دي بدون غلطة. بدون عيب واحد. هانكون ظالمين. لكن في نفس الوقت لو قولنا أنه ماينفعش تشتروه خالص أو أنه مش بيقدم قيمة جيدة مقابل المال. برضو هانكون ظالمين. علشان كده حبينا نستعرض معاكم مواصفاته الفنية وأهم المميزات والعيوب بتاعته، وتقرورا بنفسكم تشتروا اللاب توب ولا تستنوا فرصة أفضل.

هانتعرف مع ياقوطة على أهم المواصفات الفنية لـ ASUS TUF Gaming laptop وأهم مميزاته وعيوبه ولو اللاب عجبك هتقدر تطلبه من خلالنا في ياقوطة ودلوقتي مع شهري، تقدر تشتري أي لاب توب ومستلزماته بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات ASUS TUF Gaming laptop

  • العلامة التجارية ‎اسوس
  • أبعاد الشحنة:  ‎55 x 33 x 9 سم; 2.3 كيلو جرام
  • عدد البطاريات: ١ مدمجة في الجهاز
  • رقم موديل السلعة ‎90NR0723-M00FU0
  • الشركة المصنعة ‎اسوس
  • السلسلة ‎FX506HC-HN002W
  • حجم شاشة العرض ‎15.6
  • العلامة التجارية للمعالج ‎Intel
  • نوع المعالج ‎Core i5
  • سرعة المعالج ‎2.7
  • عدد المعالجات ‎6
  • تقنية الذاكرة ‎DDR4
  • الحد الأقصى للذاكرة المدعومة ‎16 جيجا بايت
  • وصف القرص الصلب: ‎SSD
  • العلامة التجارية لشريحة الرسوم الجرافيكية ‎NVIDIA
  • وصف بطاقة الرسومات:  بطاقة ‎مخصصة ومدمجة
  • نوع ذاكرة رام الخاصة بالرسوميات ‎DDR DRAM
  • واجهة بطاقة الرسومات: ‎مدمجة
  • عدد منافذ يو اس بي 2.0:  ‎منفذ ١
  • عدد منافذ يو اس بي 3.0: ‎منفذ ١
  • نوع محرك الأقراص الضوئية: ‎لا يوجد
  • نظام التشغيل: ‎Windows 11 Home
  • هل البطاريات مشمولة ‎نعم

مميزات ASUS TUF Gaming laptop

  • شركة أسوس من الشركات المميزة فيما يتعلق بالضمان وخدمات ما بعد البيع وتوافر مراكز الصيانة.
  • أسعار قطع الغيار والتصليح في متناول الجميع. وأسوس من الشركات اللي شغل الصيانة بتاعتها سهل ومنتشر في مولات الكمبيوتر والمحلات المتخصصة
  • كقيمة مقابل سعر يعتبر اللاب توب ممتاز وبييجي بمواصفات قوية جدا مقابل السعر المدفوع فيها.
  • كارت الشاشة المضمن في اللاب توب من أفضل كروت الشاشة المنتجة مؤخرا. وله سمعة جيدة جدا في عالم الالكترونية وأجهزة اللاب توب.
  • تصميم أسوس للجهاز بيخليه مرتفع شوية بزاوية بسيطة وده بيديله مميزات أكتر فيما يتعلق بالتهوية
  • اللاب بيقدم قدرات ممتازة في تشغيل الالعاب التقيلة زي PUBG مثلا بأعلى Frame rate وده مش كتير بيكون موجود في أجهزة في الفئة السعرية دي
  • اللاب بييجي مع هارد درايف SSD وده معناه سرعة أفضل في نقل البيانات. ودي حاجه فارقه للناس اللي بتشتغل في مونتاج الفيديو
  • اللاب بييجي مع ويب كام كويسه لتصوير الفيديوهات السريعة وعمل مكالمات الفيديو مع جودة التقاط صوت جيدة

عيوب ASUS TUF Gaming laptop

  • كنا متوقعين – خصوصا مع سعر اللاب- أننا نحصل على رامات أعلى من ٨ جيجا بايت
  • جودة الصوت من اللاب مش أحسن حاجه خاصة مع رفع الصوت لأعلى درجة
  • اللاب مش مخصص لمونتاج الفيديو الاحترافي. نتيجة ارتفاع حرارته في حالة تشغيله في عمليات مونتاج طويلة ومرهقة ومستمرة
  • أزرار الالعاب بتاعة اللاب توب مش كبيرة قوي. يمكن مع الوقت اللاعب يتعود. لكن هاتاخد شوية وقت علشان علشان ما يخسرش أول مجموعة جيمز
  • الجهاز مش بييجي مع مدخل SD Cards وده يعتبر مشكلة للناس اللي بتشتغل في مجال التصوير

والخلاصة

لاب توب ASUS TUF Gaming laptop ممتاز لطلبة الجامعات المتخصصة اللي بيدرسوا برامج جرافيك أو برمجة. أو صناع المحتوى اللي عاوزين مستوى متوسط من مونتاج الفيديو وطبعا بالنسبة للـ Gamers. لكن في كل الأحوال مش هايستحمل الجهاز يعمل كل المهام دي لفترة طويلة بسبب ارتفاع درجة الحرارة والضغط على المعالج. بالتالي تقدر تسميه “جهاز متوسط الأداء في الفئة العليا من أجهزة اللاب توب”

اتعرف على عروض أسعار لابتوب ASUS TUF Gaming laptop من هنا.

اتعرف على عروض أسعار مختلف لابتوبات ASUS المتوفرة على ياقوطة من هنا.

اتعرف على عروض أسعار مختلف أسعار أجهزة اللاب توب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

زر الذهاب إلى الأعلى