مقالات موقع Yaoota

كل حاجه عن مؤتمر أبل والأيفون الجديد

قراءة سهلة

زي النهردة من 10 سنوات بالظبط وقف المدير التنفيذي ورئيس مجلس الإدارة الخاص بشركة Apple علشان يعلن للعالم عن منتج جديد هايغير نظرة العالم للهواتف المحمولة. منتج حمل علامة الشركة اللي كانت عبارة عن تفاحة نصف مقطومة طيرت النصف العاقل من أمخاخ الشباب على كوكب الأرض وجعلت حلم أي شخص فيهم امتلاك هاتف Iphone الجديد أيامها، وده كان الجيل الأول من سلسلة من الهواتف غيرت بالفعل تعامل الناس مع التكنولوجيا بشكل عام والهواتف المحمولة بشكل خاص.

بعد عشر سنوات، وبعد وفاة مؤسس الشركة (ستيف جوبز) بيقف الرئيس التالي للشركة (تيم كوك) على نفس المسرح علشان يقدم سلسلة من التغييرات والأجيال الجديدة من هواتف أيفون وباقي أجهزة الشركة اللي تم طرحها في السنوات التالية، وموعد اللقاء ده كان 12 سبتمبر الساعة 7 بتوقيت مصر. يعني من ساعات قليلة مضت.

ياقوطة هاتقدم لكم في التقرير ده نظرة شاملة على التقنيات والأجهزة الجديدة اللي تم طرحها، ووجهة نظرنا بخصوص كل جهاز سواء العيوب والمميزات، بالإضافة للأسعار الرسمية للأجهزة من أبل ومواعيد صدورها.

WatchOS 4

أول شيء تم الأعلان عنه هو نظام التشغيل الجديد WatchOS 4 للساعات الذكية اللي بتنتجها أبل. نظام التشغيل بيتيح اهتمام أكبر بمعدلات ضربات القلب، كمان هاتقدر الساعات العاملة بالنظام الجديد أنها تاخد بيانات من صالات الجيم اللي فيها أجهزة متوافقة مع الساعات، وبكده هتقدم الساعة تقارير أفضل بخصوص نشاط الجسم بشكل عام. أما الناس اللي بتمارس رياضة السباحة، الساعة هاتقدم لهم تقارير مهمة ومختلفة تجعل أداؤهم الرياضي أفضل وأقوى.

النظام الجديد هايكون متاح للتنزيل في 19 سبتمبر القادم.

Apple Watch Series 3

ولسه مع مجال الساعات. أبل أعلنت عن جيل جديد من الساعات الذكية باسم Apple Watch Series 3 . أول وأهم ميزة في الجيل الجديد من الساعات هو احتوائها على شريحة مستقلة Cellular data بتستخدم للاتصال بالانترنت واجراء المكالمات بشكل مستقل عن التليفون، وإن كان بنفس الرقم! ودي نقلة عظيمة جدا! ليه؟ علشان دلوقت ممكن تعمل مكالماتك وتسمع المزيكا وترد على الرسائل…الخ من الساعة مباشرة بدون حتى وجود التليفون في جيبك! وده بيعطي أي شخص حرية أكبر في التنقل.

الميزة التانية هي احتفاظ الساعة بنفس حجمها وسمكها على الرغم من الإمكانيات الجديدة، وده شكل تحدي كبير أمام فريق العمل زي ما عرفنا من المؤتمر.

الساعة هاتكون متاحه بسعر 249 دولار للجيل القديم من الساعات، و 329 دولار للساعات بدون اتصال بيانات، و 399 دولار للساعات الجديدة بميزة اتصال البيانات. كمان الساعة هاتكون متاحه للطلب المسبق Pre order في 15 سبتمبر وتتاح للبيع العام في المتاجر في 22سبتمبر القادم.

Apple TV 4K

ومن الساعة الى التليفزيون، تم اصدار تطبيق جديد من Apple TV واضح من عنوانه الجديد فيه، وقصدنا هنا Apple TV 4K اللي أصبح بيقدم خدماته بدقة شاشة 4K وكمان بيدعم الجهاز خاصة الألوان بتقنية HDR علشان يقدم جودة مميزة جدا على مستوى الصورة.

مش بس كده. أبل أعلنت تعاونها مع شركات الإنتاج السينمائي علشان تحول الأفلام اللي بجودة عادية أو عالية الى جودة 4K مجانا.

مش بس كده. التليفزيون الجديد من أبل هايعرض مباريات ومتابعات وتحليلات مباشرة على مدار الساعة، يعني مش بس هايقدم محتوى مسجل مسبقا.

أسعار الجهاز الجديد هاتكون النسخة العادية بدون 4K بتخزين 32 جيجا بسعر 149 دولار أما نسخة 4k فإن النسخة 32 جيجا بسعر 179 دولار ونسخة 64 جيجا بسعر 199 دولار.

و يبدأ الطلب المسبق 15 سبتمبر، ويبدأ البيع 22 سبتمبر الحالي.

آيفون 8 و آيفون 8 بلس

قدمت أبل 3 هواتف جديدة، الأول هو هاتف أيفون 8 بتصميم زجاجي أمامي وخلفي والمونيوم من الجوانب ومقاومة للماء وألوان فضي ورمادي وذهبي.

أبعاد أيفون 8 4,7 بوصة وآيفون 8 بلس 5.5 بوصة. وتم إضافة تحسينات على الصوت للجهازين واستعملت معالج جديد أقوى هو A11 Bionic .

على مستوى الكاميرا قدت أبل تعديلات كبيرة جدا على الكاميرات بتصل الى 12 ميجا بكسل مع أسلوب توفير في الطاقة وإظهار لاكبر عدد ممكن من الألوان على صعيد التصوير الثابت أو الفيديو، واللي أصبح ممكن يتم تصويره بدقة 4K لكل الجهازين.

كمان الأجهزة الجديدة بتدعم خاصية الواقع المعزز وهى خاصية بتفيد محبي الألعاب الواقعية.

المفجأة هي دعم الأجهزة لميزة الشحن الاسلكي بسبب الخلفية الزجاجية وده هايقدم ثورة في طريقة شحن أبل للأجهزة وهايوفر كتير على المستخدمين.

بالنسبة للسعر آيفون 8 بسعر يبدأ من 699 دولار وآيفون 8 بلس بسعر يبدأ من 799 دولار. ويبدأ الطلب المسبق 15 سبتمبر ويتاح للبيع في 22 سبتمبر. و يعمل الهاتفين بنسخة iOS 11 التي هاتتاح للجمهور في 19 سبتمبر الجاري.

وأخيرا.. أيفون X

وهو أحدث وأفخم وأغلى أيفون صدر حتى الأن، ويتنطق أسمه أيفون 10 وبيتميز بشكل خاص بدون حواف على الإطلاق وبحجم كبير نسبيا وبدون زر Home وبتقنية التعرف على الوجه لفتح الجهاز وهى تقنية جديدة بتقدمها أبل لأول مرة في أجهزتها.

التليفون هايكون متوفر بالوان فضي ورمادي وأبعاد 5.8 بوصة بدقة 2436*1125 بوصة بكثافة بكسلات 458ppi كمان أعلنت ابل عن خاصية Animoji وهو نظام جديد من الايموشنز بصوت صاحب التليفون وبتعبيرات وجهه بحيث كل واحد يقدر يعمل ايموشن بيعبر عنه بالظبط وبشكل مضحك وجميل.

أما عن الكاميرا كاميرا ايفون X مزدوجة لكن العدستين فوق بعض بدقة 12 ميغابكسل وفتحتي 1.8 و 2.4 لكل واحدة مع تثبيت محسن في الفيديو ولإضاءة أفضل هناك 4 ليدات للفلاش. وتدعم الكاميرا الأمامية وضعية التصوير البورتري مع نظام إضاءة خاص

أما عن الأسعار أعلنت أبل أن الجهاز هايتوفر بسعر 999 دولار لسعة تخزين 64 جيجا والطلب عليها هايبدأ 22 أكتوبر القادم وبداية شحن المنتجات هايكون في 3 نوفمبر القادم.

ده كان عرضنا لأجهزة أبل الجديدة.. انتظروا منا كل جديد بمجرد نزول الأجهزة دي في مصر وبداية بيعها.

زر الذهاب إلى الأعلى